ياجماعه انا عندى مشكله وعاوزه احلها

اولا انا متأسفه جدااا على التأخير فى ردى على مشكلتك .

ثانيا بقى انتى لسه صغيره اوى علشان تقدرى تحددى ان كان اللى قدامك وبتشوفيه وبتتكلمى معاه ده انسان صادق او لأ ما بالك بقى بأنسان لا شوفتيه ولا تعرفى عنه اى حاجه غير بس اللى هو بيقولهولك تفتكرى ده كفايه علشان تحبيه وتتعلقى بيه لدرجه انك تحسى انك كمان عايزه تقوليله؟؟؟

للأسف حب النت ده انتشر جدا بس لأننا مش بنفكر شويه بعقلنا اساس اى حب الثقه ازاى احب انسان انا مفتقده للثقه فيه؟؟؟؟مش كفايه انه يتكلم معايا وانى اتشد لكلامه واتعلق بيه واحترمه انى احبه واثق فيه !!!

انتى ماحبتيهوش هو انتى حبيتى الشخصيه اللى هو ورهالك اللى وصفهالك اللى هو عايزك تشوفيها المشكله ان احنا نشوف تجارب كتير وبنسمع كتييير عن فشل وكدب حوارات النت ومع ذلك لازم نجرب والمشكله اننا نقول لأ ده غير

انتى لسه صغيره وادامك عمر ووقت كبيير علشان تلاقى الحب الصادق اللى فعلا نفسك فيه بس انتى حاولى تقربى من ربنا اكتر لأن ربنا مش بيحرم حاجه ابداا اعتباطا لكن لأنه بيحبنا وبيخاف علينا عايزنا نعمل الصح علشان مانتعبش قلبنا خلى عندك اراده وابعدى عنه وماتفكريش كتير وحاولى تشغلى نفسك بأى حاجه تانيه علشان تنسى بسرعه وماتقوليش مش هاتقدرى انتى مش هاتقدرى طالما انك مش عايزه تقدرى اصلاااا

يارب اكون افادتك مع انى عارفه ان نصيحتى جت متأخره بس والله غصب عنى وياريت تطمنينى عليكى وهاستناكى تقوليلى انك نسيتيه وانك قربتى من ربنا وانا بقولك تقربى من ربنا لأنى عارفه انك لو كنتى فعلا قريبه ماكنتيش فكرتى انك تعملى حاجه تغضبه اصلاااا.

استفسار بعد ازنك ياوعد
انت قولتى يارب اكون افادتك مع انى عارفه ان نصيحتى جت متأخره بس والله غصب عنى وياريت تطمنينى عليكى وهاستناكى تقوليلى انك نسيتيه وانك قربتى من ربنا وانا بقولك تقربى من ربنا لأنى عارفه انك لو كنتى فعلا قريبه ماكنتيش فكرتى انك تعملى حاجه تغضبه اصلاااا.


هو الحب يغضب ربنا

أزيك ياهيكتور
طبعا انا عارفه انى دايما متأخره والمره دى انا متأخره فى الرد وجدااااا لكن انا لسه شايفه تعليقك دلوقتى وماقدرتش ماردش.

انت تعقيبا على كلامى كنت بتسألنى هو الحب يغضب ربنا او حرام؟؟
وطبعا ماحدش يقدر يقول كدا اطلاقااا بس لما يكون فى اطاره الشرعى واللى ربنا حدده لينا مش انى اعرف واحد واتكلم معاه وخروج وتليفونات ونت ويبقى هو ده الحب لأن معظم الحوارات دى طبعااا بتكون نهايتها الفشل وبيكون تعب قلب واهدار مشاعر على حد مايستاهلش طيب وليه وانا كدا كدا نصيبى واحد ومكتوبلى واحد هارتبط بيه يبقى ليه اعرف ده واتكلم مع ده وانا مش عارفه انه هايكون نصيبى ولا لأ ؟؟؟

لو فكرت شويه لو انت حبيت واحده وعشت ايام جميله معاها وكل حاجه ومش نصيب بعض واضطريتوا لأى سبب تسيبوا بعض مع ان الاسباب ساعتها بتكون كتير اصلا ، المهم وبعدها ارتبطت بواحده تانيه انت مش هاتحس انك تعبان ؟! هاتقدر تديها كل حاجه؟؟ هاتقدر ماتفكرش فى التانيه؟؟ هاتقدر على الاقل ماتقارنش بينهم؟؟مش هاتحس بأى حاجه كدا وانت بتقولها نفس الكلام اللى كنت بتقوله للتانيه؟؟

فكر فى اللى قولته ده شويه وانت هاتعرف ليه انا قولت أن الحب يغضب ربنا وطبعا اللى اقصده الحب الغير شرعى.

سورى أنى طولت عليك ويارب اكون وضحت ليك وجهت نظرى وكل سنه وانتم طيبين.

ياجماعة انا زهقت من موضوع الفيروسات اللى بتتنقل من خلال شات كتابى ازاى الحماية منها وشكرا